برخی منابع گزارش می‌دهند که در حمله‌ای از قلمرو افغانستان به درۀ زربز، واقع در ولسوالی شمس‌الدین شاهین تاجیکستان، یک شهروند چین کشته و چهار شهروند دیگر چین به همراه یک باشندهٔ محلی زخمی شده‌اند.
این ولسوالی در ولایت ختلان تاجیکستان و در نزدیکی مرز افغانستان قرار دارد. هنوز مشخص نیست که در پشت این حمله، قاچاقبران مواد مخدر یا گروه‌های جنگجو قرار دارند.
حضور شهروندان چینی در این منطقه به فعالیت در یک معدن طلا مرتبط است.
با آنکه حکومت طالبان پیوسته اطمینان داده است که از قلمرو افغانستان علیه کشورهای دیگر استفاده نخواهد شد، مقامات تاجیکستان در مورد تهدیدات امنیتی از آن‌سوی مرز عمیقاً نگران‌اند.
گزارش از ارشاد سلیمانی، خبرنگار بخش تاجیکستان رادیو آزادی