مراسم یادبود از هفته شهید و شانزده همین سالروز ترور احمد شاه مسعود که از او به عنوان قهرمان ملی در افغانستان نام برده می‌شود در تالار لویه جرگه در کابل در حال برگزاریست.
احمد ولی مسعود رئیس بنیاد مسعود در بخشی از این مراسم گفت که هدف‌شان رساندن پیام وفاق ملی به مردم است.
درین مراسم عبدالله عبدالله، رئیس اجرائیه حکومت افغانستان، حامد کرزی، رئیس جمهور سابق افغانستان، محمد کریم خلیلی، رئیس شورای عالی صلح، صلاح الدین ربانی، سرپرست وزارت خارجه، محمد یونس قانونی، معاون سابق ریاست جمهوری افغانستان، عبدالرب رسول سیاف، یکی از رهبران جهادی و برخی از چهره‌های سیاسی دیگر اشتراک کرده‌اند.
احمد شاه مسعود در سال ۱۳۸۰ در ولایت تخار کشته شد.
در لویه جرگه قانون اساسی افغانستان در سال ۱۳۸۲ لقب قهرمان ملی به او داده شد.